Memanfaatkan Waktu

0
5916
[Foto: http://laruno.com]

Oleh: KH Azhar Al-Hafidh*

الله اكبر، الله اكبر، الله اكبر

الله اكبر، الله اكبر، الله اكبر

الله اكبر، الله اكبر، الله اكبر كبيرا

الحمدة لله اكرمنا بدينه. وأعزّنا بطاعته، وجعلنا من خير امة. وأشهد ان لا اله الا الله فى السماء وملكه. وفى الارض سلطانه. وأشهد ان محمدا عبده ورسوله. وبين خلقه مختاره وصفيّه. اللهم صل وسلم على سيدنا محمد وعلى اله وصحبه وأتباعه اما بعد

فيا ايها الناس اتقوا الله تبارك وتعالى واشكروه فان تقواه سبحانه وتعالى هى العروة الوثقى والعادة الكبرى والنجاة العظمى فى الاخرة الاولى قال تعالى ومن يتق الله يكفر عنه سيأته ويعظم له اجرا

ثم اعلمو ان العمر الذى يملكه الانسان فى هذه الحياة نعمة كبرى يحب عليه حمد الله تعالى عليها والحياة التى اعطاها الله تعالى لابن ادم فرصة عظيمة للحياة الكريمة عاجلا واجلا ولذلك امتن الله سبحانه وتعالى على عباده بالشروق والغروب فى قوله تعالى: هو الذى جعل لكم اليل لتسكنوا فيه والنهارى مبصرا ان فى ذلك لايات لقوم يسمعون (يونس ٦٧

Poro sederek! monggo sami taqwa dumateng Alloh Swt kanthi nindakaken dawuh-dawuh perintah ipun soho nebihi awisan-awisan nipun.

Umur peparing saking ngarso  Alloh Swt puniko estunipun nikmat ageng kanggih kito sedoyo, ingkang wajib kita syukuri. Tiyang-tiyang ingkang sampun kapundut ngroso rugi, getun, lan kepingin dipun wangsulaken malih dateng dunyo, selajeng sak sampunipun wangsul ing dunyo bade amal sholeh, ibadah sak sae-sae nipun ananging ingkang mekaten puniko tetep mboten terjadi, sebab gesang ing dunio puniko tetep namung sepindah. Menawi ing sepindah puniko leres-leres nderek dawuh-dawuh ipun Alloh Swt lan kanjeng Rasul Saw mongko bade bejo lan sekeco sak lawase. Sak wangsulipun menawi sasar lan ngumbar howo, bade sengsoro lan rekoso.

Imam Ghozali dawuh: waktu-waktumu iku umurmu, umurmu iku modal kapital-mu, ing iku pokok perdaganganmu (arek dadi untung selawase opo buntung selawase). Kanti umur, siro biso tumeko ing kanikmatan selawase, mongko saben-saben ambegan siji iku mutiara kang ora biso diregani saking banget-banget berhargane. Kapan berlalu ora bali. Prayogo siro bagi-bagi waktu iro, siro tartibake wirid-wirid iro, tiap wektu ono tugas lan ibadah kang ora biso digeser deneng liyane, anapun wong-wong kang ora duwe aturan wektu, arep kasio-sio terbuang waktu umure tanpo faidah.

Mekaten terjemehan bebas dawuhipun Imam Ghozali.

Poro sederek ! rahimakumullah. Dados gesang puniko nikmat ageng lan kesempatan ageng kanggih gayuh kehidupan mulya dunio akhirat. Sayangipun katah sederek kito ingkang kirang menyadari puniko, kirang pangartosan bilih waktu lan umur puniko sangat berharga, mboten sekedar dipersani secara keuntungan duniawi. Ananging dipun sadari kaitanipun minangka dados kesempatan kanggeh nggayoh bejo sak dangune ing alam kelanggengan. Kathah wekdal-wekdal kosong dibuang percuma. Kanggih kegiatan ingkang secara ukhrowi kirang migunani bahkan mbahayani lan madhoroti. Keranten dilarang deneng agami, tiyang puniko gadah anggapan bilih wekdal lan umur puniko murah, pramilo ing dinten-dinten lebaran puniko acara-acara hawa nafsu selajeng mbludak ramai, sinaoso suksukan lan kedah mbayar. Bahkan ngantos keter sholatipun. Ing sisi lintu, seiring kalian kemajuan teknologi, kito prehatin mirsani remaja-remaja ingkang tersita wekdal-wekdal ipun kanggih hobi-hobi, permainan-permainan game, nganti keter tugas belajar lan ngajinipun. Realita puniko sanget memprihatinkan kito sedoyo. Ibnu ‘Athoillah As-sakandari dawuh ing kitab Al-Hikam:

الخذلان كل الخذلان ان سفرّغ من الشواغل وتقلّ عوائقات ثم لا ترحل اليه

Ino banget (tegese ora paringan taufiq lan ma’unah) kahanan iro kosong songko hal-hal kang ngeributi lan sitik rintangan-rintangan iro, nuli siro ora tawajjuh madep marang Allah Ta’ala.

Al-Imam Abul Qosim Al-Qusyairi dawuh ingkang terjemahanipun:

Kotonging ati songko keribetan iku nikmat gedi, nalika kawulo ngufuri nikmat iki kanti lelakon-lelakon howo nafsu lan kebacut-bacut, mongko Allah Swt nibakke reridu ing nikmat atine, lan Allah Ta’ala ndedel kahanan beninging atine wong mau.

Poro sederek! katahe pendamelan-pendamelan tugas rutin ingkang kedah dipun ayahi minongko usaha kasab nyambut damel mboten kengeng menafikan madepipun kawulo dumateng Allah Ta’ala, sumaoso ribut katah damelan, kedah nyisihake wekdal ingkang spesial kanggih kholwat tawajjuh madep dateng Allah Ta’ala.         .

Poro sederek punopo malih mboten katah reributan, kanti paparan keterangan puniko, kito emut dateng dawuhipun kanjeng rasul:

نعمتان مغبون فيهما كثير من الناس الصحة والفراغ. رواه البخارى

Ono nikmat loro, kang akeh-akehe wong rodo rugi magayutan karo nikmat loro mau, yaiku nikmat sehat lan nikmat kober/sempat. (HR. Bukhori)

Mafhum saking hadist puniko, namun sekedik tiyang ingkang waget ngginaaken nikmat sehat lan nikmat sempat. Ahli hikmah ngendiko:

الغرصة اذا لم تنتهزها كانت غصة

Kesempatan iku yen ora digunaake arep dadi persoalan. Setengah saking tondo-tondo dibendoni puniko, niyak-niyakake wekdal kanggih perkawis ingkang mboten wonten faidah ipun. Katah kerisakan-kerisakan ageng menawi dipun runut, asal bukane saking nganggur, kober ingkang mboten pun manfaataken sae-sae nipun, selajeng kegodo syetan.

لقد هاج الفراغ عليه سغلا  #  واسباب البلاء من الفراغ

Temen nganggur iku bergerak menjelma dadi hal kang ngrepotake, sebab-sebab balak iku songko nganggur.

Langkung ironis, menawi nganggur puniko memadu ning lare-lare nem-neman ingkang terdanai bade nimbulaken kerisakan-kerisakan ingkang ageng.

ان الشباب والفراغ والجدة  #  مفسدة للمرء اىّ مفسدة

Temen setuhune enom, nganggur lan ono duwit, iku kerusakan gede kanggo wong siji.

وقال الحسن البصرى رحمه الله. ان من علامة اعراض الله عن العبد ان يجعل سغله فيما لا يعنيه خذلانا من الله عزّ زجلّ ولقد ادركت أقواما كان احدهم أشحّ على عمره منه على درهمه

Panjenengan ipun Al-hasan Basri, tokoh ulama tabi’in ngendiko: temen setengah saking anggone Allah Ta’ala berpaling saking kawula, Allah Ta’ala ndadekaken sibuke kawulo mau ono ing babakan kang ora faedahe, minongko penghinaan saking Allah Ta’ala, temen ingsun menangi kaum, kang salah sijine wong saking kaum mau luwih eman sayang marang umure katimbang eman marang duite.

Poro sederek  rahimakumullah ! setiap dinten ing gesang puniko target garapan ingkang mboten kenging dipun sia-sia, waktu umur puniko mung sejenak, lan sekedap masa amat terbatas lan sepindah mboten saget diulang, meniko modal kapital tiyang mukmin menawi untung suwargo menawi buntung neroko.   أجارنا الله منها

Dunia puniko tigang dinten, dinten wingi, dinten benjang lan dinten sak meniko. Dinten wingi sampun lepas kanti rekaman amal, dinten benjang kito mboten ngertos menangi mboten, kantun ingkang jelas dinten puniko, pramilo bergegaslah amal.

Poro sederek rahimakumullah! Monggo sami I’tibar mendet pelajaran, nembe mawon kito mulai siyam mlebet ramadhon, sak mangke sampun idul fitri, mboten kraos cepet sanget wekdal puniko lewat, sliwat sliwer ipun siang ndalu nggripisaken jatah umur kito, ingkang alit soyo dewasa, ingkang dewasa sami soyo sepuh, ingkang sepuh sampun sami kepundut, dunio lan griya soyo tebih, bendoso lan kuburan soyo caket, kang mongko namung amal lan ibadah ingkang dipun asto kangge sangu!

قال الله تعالى يا ايها الذين امنوا اتقوا الله ولتنظر نفس ماقدمت له

Hai wong kang podo iman siro podo taqwa marang Allah  lan becik tiap awak-awakan angen-angen opo kang wes lakoni kanggo dino sesuk (akhirat).

Masa depan tiyang mukmin puniko masa depan ing alam kelanggengan, mboten namun sekedar masa depan tua kados pemahaman lumrah ipun tiyang omong-omongan masa depan alam kelanggengan punikolah kedahipun ingkang dados arah orientasi gerak obahipun awak kito. Kanjeng Rosul sampun paring dawuh:

من حسن اسلام المرء تركه مالا يعنيه. رواه الترميذى وابن مجاه

Termasuk bagian baguse Islame wong siji anduweni sikap ninggalake perkoro kang ora migunani (HR. Turmudzi, Ibnu Majah)

Dados kapan Islam ipun tiyang bagus lan berkwalitas bobot tentu tiyang kolo wau ninggalake ucapan-ucapan lan tindakan-tindakan ingkang mboten migunani, ninggalaken perkawis-perkawis ingkang dipun haromaken.

Al-Imam Abi Dawud ngreken Hadist puniko termasuk اصول السنن وقواعد الدين (Pokok-pokok hadist lan qaidah-qaidah agama)

Sebagian ulama ngendiko: hadist puniko ngempalaken separo agama, sebab agomo puniko separo rupo, “tinggal” separo malih rupo “tindaan”. Hadist puniko negasaken bagian “tinggal” dados makna lan arahan penting hadist puniko sageto kito lobo, remen lan semangat ing babakan nopo kemawon ingkang migunani dunia akhirat, ninggalaken hal-hal ingkang sia-sia tanpo guno dunia akhirat, punopo maleh larangan agomo. Kanggih ngestokaken dawuh hadist puniko, wonten kalih organ tubuh ingkang perlu penjagaan lan perawatan extra, kedah estu-estu dipun atos-atos, inggih puniko: 1- urusan lisan, 2- urusan mripat. Namun tiyang-tiyang ingkang pikantuk taufiq saking  Allah ingkang saget njagi.

Anapun urusan lisan, katah tiyang klintu ngucapaken omongan gunem haram, meranten kadang keseso tanpo fikir utawi kadang kirang sadar bilih omongan utawi gunem puniko bagian saking awal perbuatan ingkang wonten walesipun. Pramilo Umar bin Abdul Aziz ngendiko:

من عدّ كلامه من عمله قلّ كلامه فيما لايعنه

Sopo bae kang ngriken / nganggep yen guneme iku bagian soko amal perbuatan mongko wong mau sitik gumene ing babakan kang ora ono manfaate.

قال الامام النووى رحمه الله تعالى: اعلم ينبغى لكل مكلف ان يحفظ لسانه عن جميع الكلام الا كلاما تظهر فيه المصلحة ومتى استوى الكلام وتركه فى المصلحة فالسنة الامساك عنه لانه قد ينجر الكلام المباح الى حرام ومكروه بل هذا كثير او غالب فى العادة والسلامة لايعدلها شىئ

Imam An Nawawi dawuh : ngertio ! prayogo kanggo saben- saben wong mukallaf anjogo lisane soko sekabehe gune gejobo gunem kang ono maslahate, lan kapan gunem lan tinggal ngeker gunem, podo maslahate mongko sunah ngeker gunem, sebab kadang gunem kang mubah iku narik-narik marang gunem haram utowo makruh, lan iku kang kaprah biasa terjadi.

Poro sederek ! monggo kito sedoyo nderek kanjeng Rasul  SAW, kito berusaha mapaaken awak, ngoras kemampuan sageto kados arahan Hadist kasebat kolowau, supadoso umur kito puniko padat barokah, sarat kebajikan.

Mugi-mugi Allah Ta’ala    paring pangapunten dating kito sedoyo, paring tambah-tambahing kesaenan ing sepanjang umur gesang kito. Mugi-mugi Allah Ta;ala paring Khusnul Khotimah dateng kito sedoyo. Amin

اللهم اصلح لنا ديننا الذى هو عصمة امرنا واصلح لنا دنيانا التى فيها معاشنا واصلح لنا اخرتنا التى فيها معادينا واجعل الحياة زيادة لنا فى كل خير واجعل الموت راحة من كل شرّ

اعوذ بالله من الشيطان الرجيم

ياأيهاالذين امنوا اتقوا الله ولتنظر نفس ماقدمت لغد واتقوا الله ان الله خبير بما تعملون. بارك الله لى ولكم فى القران العظيم ونفعنى واياكم بما فيه من الايات والذكر الحكيم وتقبل منى ومنكم تلاوته انه هو السميع العليم وقل رب اغفر وارحم وانت خير الراحمين

*Wakil Katib Syuriah PCNU Magelang